بو آرشـــــینا بئـــز وئرهرلر می؟(استقلالچی لارین پروقرامینا بیر باخیش)
بو گونلر چوخلاری بو مؤوضوعدا همرأیدیرلر کی «آذربایجان حرکاتی» تکجه شیوه یوخسوللوغوندان دئییل بلکه فوندامنتال نقصانلارداندا اذیت چکیر. بو نقیصهلرین کؤلگهسی چوخداندیر کی آذربایجان حرکاتینا آغیرلیق ائدیر. بو ایسه گئرچکلر یئرینه بیر سیرا فرضیات و گومانلار اورتایا قویولوب حتتا قضاوتلریده توتوشدوروبدور. عمومیتده حرکته دویغوسال یاناشماق سبب اولوبدور کی اوندا اولان ظرفیتلردهن غفلت ائدیب واختلی تاکیتک لری ایره لییه قویماییب و نهایت ایستهدیگی نتیجهنی الده ائده بیلمهیک. بو اوزده ن دئمک اولار کی حرکت بیر « گونده لیک سیاست چیلیک » ده حرلهنییهرک دایانمیشدیر. و بو حرکاتا قوووشان یئنیجه گنج قوهلرین گوج لرینی بوش یئره هرزله ندیریب اونلاری تکرار بیر دائیره ده مایوس ائده بیلر. البته بیز تقصیرکار پئشینده دئییلیک کی گوناه لاری اونون بوینونا ییخماقلا یاخامیزی قورتارمیش اولاق. تام ترسی بو بیزیم مسئولیتایمیزی داهادا آرتیریر. نبی اوغلو بیر یازیسیندا یازیر « به نظر می رسد حرکت ملی آذربایجان از بدو آغاز راه نوین خود همواره با فقدان تولید نظریه وفقر نظریه پردازی جهت ارائه خط مشی تئوریزه شد